Një gjykatë ruse gjobiti Alphabet Inc. (GOOGL.O) Google me 11 milionë rubla (137.763 dollarë) pasi nuk ka fshirë ato që i përcakton si informacione “false” mbi konfliktin në Ukrainë dhe video në YouTube të prodhuara nga grupe ukrainase të ekstremit të djathtë – deklaroi TASS.
Autoriteti i mbikëqyrjes së komunikimeve të Rusisë tha në fillim të këtij muaji se po merrte masa për të ndëshkuar Google “për përhapjen e përmbajtjeve false” në YouTube dhe e paralajmëroi shoqërinë amerikane më parë se do të gjobitej nëse nuk do ta respektonte – pjesë e një përpjekje më të gjerë me kompanitë teknologjike dhe mediave të huaja për të kontrolluar flukset e informacionit.
Google u shpall fajtor për kryerjen e shkeljeve administrative dhe u gjobit me 4 milionë rubla dhe 7 milionë rubla në dy raste, tha të enjten Gjykata e Qarkut Tagansky e Moskës. Google nuk iu përgjigj menjëherë kërkesës për koment.
Agjencia e shtypit TASS tha se gjobat lidheshin me atë çfarë Moska e konsideron shpërndarje të të dhënave të pasakta në lidhje me humbjet e trupave ruse dhe viktimat civile në Ukrainë, si dhe publikimin e videove në YouTube të krijuara nga grupet ukrainase të ekstremit të djathtë si batalioni nacionalist Azov.
/ Reuters
