MOSKË, 4 mars /ATSH- DPA/- Presidenti rus Vladimir Putin i ka thënë kancelarit gjerman Olaf Scholz se ai është i gatshëm të diskutojë mënyrat për t’i dhënë fund pushtimit të Ukrainës nga vendi i tij, por vetëm nëse plotësohen kushtet e vendosura që nga fillimi i konfliktit.
Putin i tha Scholz se ai ‘’është i gatshëm të bisedojë me këdo që dëshiron lirinë në Ukrainë, me kusht që të plotësohen të gjitha kërkesat ruse”.
Këto kërkesa, të cilat Putini i ka përsëritur, përfshijnë: “çmilitarizimin” e Ukrainës, një status neutral dhe jo-bërthamor për Ukrainën, njohja ndërkombëtare e aneksimit rus të gadishullit të Krimesë në vitin 2014, dhe sovranitet për rajonet separatiste ukrainase të Luhanskut dhe Donetsk. /os/