MOSKE, 14 tetor /ATSH-DPA/ – Objektivat e mbetura të paprekura nga breshëria e raketave ruse në Ukrainë këtë javë do të riorientohen, paralajmëroi presidenti rus Vladimir Putin edhe pse një kundërofensivë ukrainase u bëri thirrje rusëve të iknin në jug.
Raketat ruse goditën një sërë objektivash ukrainas këtë javë, si hakmarrje për një sulm fundjavën e kaluar në një urë që lidh Rusinë me gadishullin e aneksuar të Krimesë, për të cilën Rusia pretendon se ishte vepër e ukrainasve ku 20 persona humbën jetën.
Putin vuri në dukje se shtatë nga 29 objektivat “nuk janë dëmtuar siç është parashikuar nga ministria e Mbrojtjes, por sulmet do të rinovohen.”
Presidenti rus nuk specifikoi se cilat objektiva dhe tha se aktualisht nuk janë planifikuar sulme të mëtejshme në shkallë të gjerë. /os/