MOSKË, 20 janar /ATSH-DPA/ – Dorëzimi i tankeve perëndimore në Ukrainë nuk do ta pengojë Rusinë të arrijë qëllimet e saj të luftës, sipas Kremlinit.
“Nuk duhet të ekzagjerohet rëndësia e këtyre dërgesave për sa i përket aftësisë së tyre për të bërë një ndryshim”, tha sot zëdhënësi i Kremlinit Dmitry Peskov, sipas agjencisë së lajmeve Interfax.
Peskov përmendi problemet me furnizimet e municioneve dhe mirëmbajtjen e tankeve, ndër të tjera.
“Kjo krijon probleme të tjera për Ukrainën, por nuk ndryshon progresin e palës ruse në arritjen e qëllimeve të saj”, tha ai.
Ai kritikoi dërgesat e planifikuara të armëve si një përshkallëzim të konfliktit.
Tanket, përfshirë “Leopard 2” të prodhimit gjerman, janë ndër kërkesat kryesore të Kievit, që po shqyrtohet nga zyrtarët e mbrojtjes të NATO-s, në bisedimet në bazën ajrore amerikane në “Ramstein”, në Gjermani. //a.i/