Cristiano Ronaldo një herë i telefonoi dy objektivave të transferimit të Manchester United dhe i bindi që t’i bashkoheshin klubit përpara rivalëve të hidhur, Arsenalit.
Pesë herë fituesi i Topit të Artë u vendos nga Sir Alex Ferguson për të siguruar nënshkrimet e binjakëve brazilianë, Rafael dhe Fabio da Silva.
Është Rafael, i cili ka zbuluar për UTD Podcast se ai mori një telefonatë nga ‘CR7’ si adoleshent dhe ndikimi i tij i ndihmoi ata të merrnin vendimin e tyre.
“Ai më telefonoi në telefonin tim dhe nuk do ta harroj kurrë këtë”, ka thënë fillimisht mbrojtësi i Botafogos.
“Telefoni im kishte të gjitha zerot (në ekran, për të treguar një telefonatë ndërkombëtare) dhe unë po thosha “Kush është ky? Nuk kam marrë kurrë një telefonatë si kjo”, përcjell Telegrafi.
“Unë u përgjigja dhe e njoha sepse isha stërvitur me të më parë”.
“Ai vetëm tha: Ah, (përshëndetje portugeze)! Vrapova drejt autobusit tim duke thënë: “Është Ronaldo, është Ronaldo! Ai po na thërret të flasim!”.
“Ai shtoi: “Po bie shi këtu, po bie shi këtu në Mançester, siç e dini”. “Unë telefonoj për t’ju thënë djelmosha: nënshkruani për Manchester United. E di që do t’ju pëlqejë, etj”.
“Nuk mund ta besoja. Ishte e mahnitshme”, përfundoi Rafael.
Vëllezërit Da Silva
Fabio ndau një histori të ngjashme në vitin 2020 dhe shpjegoi se Ronaldo i ndihmoi ata të dy me pengesën gjuhësore dhe çështjet e besimit ndërsa luanin për një nga klubet më të mëdha në botë.
Rafael do të bëhej mbrojtësi i djathtë titullar i Unitedit pas pensionimit të Gary Neville dhe fitoi tre tituj të Ligës Premier gjatë kohës së tij në klub, ndërsa do të largohej për në Lyon në vitin 2015 pasi humbi vendin nën urdhrat e Louis van Gaal.
Ndërkohë, Fabio mori vetëm një medalje në Ligës Premier në sezonin 2010/2011 dhe kaloi kohë si huazim në Queen’s Park Rangers, para se të shitej te Cardiff City në vitin 2014 dhe tani luan për Nantes në Ligue 1.
Arsenali ishte rivali i madh i Unitedit në vitet 2000 dhe Ferguson nuk donte të humbiste dy yjet e rinj dhe Djajtë e Kuq lëvizën shpejt për t’i larguar vëllezërit nga Fluminese dhe ata të dy kryen transferime të suksesshme.
