Rikthehet në mesjavë Kupa e Shqipërisë, që do të luajë ndeshjet e kthimit të turit të parë. Dy sfida të këtij turi do të luhen nesër në orën 14:00, ndërsa takimet e tjera do të luhen të mërkurën në të njëjtën orë (14:00).
Skuadrat e Superiores arritën që të merrnin rezultate pozitive në sfidat e para me përjashtim të Partizanit dhe Vllaznisë, që kanë lënë pezull çështjen e kualifikimit.
“Të kuqtë” barazuan pa gola përballë Orikut në kompleksin e ri dhe tashmë duhet të luftojnë për të siguruar kualifikimin në ndeshjen e kthimit.
Në një situatë më të vështirë ndodhen shkodranët, që u mposhtën në Vlorë 2-1 nga Flamurtari në ndeshjen e parë. Djemtë e Josës do të synojnë përmbysjen në “Loro Boriçi” të mërkurën.
Pikërisht këtë takim, që është edhe më interesanti i këtij turi të Kupës së Shqipërisë, mund ta ndiqni live dhe ekskluzivisht në Oversport dhe Tibo. / Oversport.tv
GRUPI A
Nesër, 11 tetor
Bylis – Pogradeci (3-0), ora 14:00
Tërbuni – Lushnja (0-2), ora 14:00
E mërkurë, 12 tetor
Tirana – Veleçiku (3-0), ora 14:00
Oriku – Partizani (0-0), ora 14:00
Vllaznia – Flamurtari (1-2), ora 14:00
Vora – Kastrioti (0-1), ora 14:00
Dinamo – Butrinti (1-0), ora 14:00
Korabi – Besa (1-1), ora 14:00
GRUPI B
E mërkurë, 12 tetor
Laçi – Devolli (2-0), ora 14:00
Kukësi – Labëria (3-0), ora 14:00
Teuta – Luzi 2008 (0-0), ora 14:00
Egnatia – Shkumbini (3-0), ora 14:00
Skënderbeu – Maliqi (5-1), ora 14:00
Erzeni – Turbina (2-1), ora 14:00
Apolonia – Besëlidhja (1-0), ora 14:00
Tomori – Burreli (1-2), ora 14:00
