PARIS, 1 janar /ATSH-AFP/ – Guvernatori i Floridës, republikani Ron DeSantis, te mjeshtri i basketbollit francez Victor Wembanyama dhe presidenti tajvanez, Tsai Ing-wen dhe shtatë personalitete të tjera mendohet se do të tërhqein vëmendjen e botës gjatë vitit 2023.
1-Ron DeSantis-
Viti kritik për Ron DeSantis, 44 vjeç. Guvernatori shumë popullor i Floridës, i rizgjedhur në nëntor në krye të këtij shteti amerikan juglindor, duhet të shpallë kandidaturën e tij për zgjedhjet presidenciale republikane për zgjedhjet presidenciale të vitit 2024.
2- Kristalina Georgieva –
Drejtoresha Menaxhuese e Fondit Monetar Ndërkombëtar (FMN) Kristalina Georgieva do të jetë në vijën e parë në vitin 2023 duke u përpjekur të shmangë një krizë borxhi në shkallë të plotë.
Pandemia dhe konflikti ruso-ukrainas kanë dobësuar ekonominë botërore, kanë bërë që huamarrja shtetërore të shpërthejë dhe ka nxitur inflacion marramendës. Midis rritjes së normave të interesit dhe një recesioni të afërt, shumë vende më të brishta janë në rrezik mospagesash.
3-Princi Harry-
Pas largimit të tij të bujshëm nga familja mbretërore me bashkëshorten Meghan, në vitin 2020, intervistës së tij tronditëse në 2021 dhe një serie dokumentarësh të transmetuar në Netflix më 8 dhjetor, princi Harry publikon kujtimet e tij në janar.
Ky libër i titulluar “Zëvendësuesi” dhe i shpallur pa filtër, rrezikon të bëjë bujë pak muaj para kurorëzimit të babait të tij Charles, më 6 maj.
4-Bob Iger-
I kujtuar në nëntor në krye të Disney, Bob Iger ka dy vjet për të shpëtuar trashëgiminë e tij dhe për të kompensuar humbjet e platformave të transmetimit me të cilat gjiganti amerikan i argëtimit nisi një sulm ndaj Netflix.
Paraardhësi i tij Bob Chapek, i cili u largua nga dera e pasme, shkaktoi gjithashtu zemërimin e guvernatorit të Floridës Ron DeSantis duke kritikuar ligjin e tij “Mos thuaj homoseksual”. Ky tekst ndalon mësimin e lëndëve që lidhen me orientimin seksual dhe identitetin gjinor në shkollën fillore. Si hakmarrje, DeSantis hoqi statusin special që gëzonte parku me temë Disney World në Florida që nga vitet 1960.
5-Ons Jabeur-
Gruaja e parë arabe që luan në finalen e turneut Wimbledon, tenistja tuniziane Ons Jabeur, ka dy synime për vitin e ardhshëm: të bëhet numri 1 i botës dhe të fitojë një turne Grand Slam.
28-vjeçarja nr.2 e botës festohet si yll në Tunizi ku ministrja e Sportit i dha titullin “Ministrja e Lumturisë”.
6-Sydney McLaughlin-
Amerikania Sydney McLaughlin, vrapuesi i parë që thyen barrierën e 51 sekondave në 400 metra me pengesa, pritet të shkëlqejë në Kampionatin Botëror të Atletikës që do të mbahet në gusht në Budapest.
Kampionia 23-vjeçare, e cila tashmë ka thyer rekordin botëror katër herë (50’68) në disiplinën e saj të preferuar, la të kuptohej se mund të provonte 400 metra teke ose 100 metra me pengesa.
7-Peter Obi-
A do të krijojë një surprizë në zgjedhjet presidenciale të shkurtit në Nigeri? Obi dëshiron të mishërojë ndryshimin e pritur nga të rinjtë e vendit më të populluar të Afrikës, duke pasuar presidentin Muhammadu Buhari.
Ky 61-vjeçar katolik, i cili pretendon se ka pasur të njëjtën orë për 17 vjet dhe mban këpucë me vlerë më pak se 60 euro, duket të jetë kandidati i pakorruptueshëm ndaj kundërshtarëve të tij nga dy partitë kryesore nigeriane.
8-Margot Robbie-
Ajo do të luajë “Barbie” së bashku me Ryan Gosling, në filmin e shumëpritur të regjisores feministe Greta Gerwig, më pas do të gjejë Brad Pitt në “Babylon” nga Damien Chazelle: Ylli australian Margot Robbie vazhdon ngritjen e saj të jashtëzakonshme në Hollywood vitin e ardhshëm.
9-Tsai Ing-wen-
Presidente e Tajvanit që nga viti 2016, Tsai Ing-wen do të duhet të përballet me presionin në rritje nga Kina në muajt e ardhshëm, që ka shumëfishuar inkursionet në hapësirën ajrore të ishullit, të shkëputur nga kontinenti që nga viti 1949.
Gushtin e kaluar, tensionet arritën një nivel të paprecedentë pas vizitës në Tajvan të lideres së deputetëve amerikanë Nancy Pelosi, të cilës Pekini iu përgjigj me manovra të mëdha ushtarake.
10-Victor Wembanyama-
“Jashtëtokësori” Victor Wembanyama pritet shumë që qershorin e ardhshëm të bëhet basketbollisti nr. 1 në NBA.
2,21 metra i gjatë, çuditërisht i dobët, aktualisht luan për Metropolitans 92 (rajoni i Parisit) ndeshjet e të cilit transmetohen në SHBA./ a.jor.
