Giacomo Raspadorit ka qenë një nga lojtarët më të mirë në fitoren historike në “Johan Cruijff Arena” ku Napoli triumfoi përballë Ajaxit me rezultatin 6-1. Ekipi i Napolit duket se ka gjetur liderin e vërtetë i cili ka bërë të mos ndihet shumë mungesa e Victor Osimhen që është i dëmtuar dhe nuk është në dispozicion të trajnerit Luciano Spalletti.
Sipas Tuttomercatoweb, Raspadori ishte një nga lojtarët që i mungonte ekipit të Napolit. Këtë gjë italiani po e dëshmon duke shënuar, asistuar dhe duke sjellë pikë për napoletanët. 22-vjeçri ka treguar kohët e fundit se është në formë duke bërë mirë jo vetëm te të kaltrit e Napolit, por edhe te Kombëtarja italiane.
Performanca e sulmuesit sa vjen dhe po rritet dhe duket se investimi i verës nga Napoli është në rrugën e duhur. Raspadori duket se me këto performanca ka bindur drejtuesit e Napolit që në fund të këtij sezoni të blejnë kartonin e tij, pasi për momentin është në formë huazimi nga skuadra e Sassuolos. Shifra e blerjes është fiksuar për 30 milionë euro. /oversport.tv
Foto: SSC Napoli, Facebook
