Lajmi i hidhur vjen nga fusha e futbollit në Indonezi, ku portieri i klubit Tornado, anëtar i Ligës 3-të, ka ndërruar jetë pas një përplasjeje me një lojtar rival!
Bëhet fjalë për një të ri 20-vjeçar Taufik Ramsjah, i cili u godit në kokë teksa vraponte për të kapur topin. Ai u alivanos pas goditjes dhe është transportuar në spital.
Ai është operuar me urgjencë, por mediat vendase kanë raportuar se ka ndërruar jetë të martën. Ramsjah, ishte një portier shumë i talentuar dhe mund të bëhej pjesë e kombëtares.
“Lajm i trishtë! Ka ndërruar jetë Taufik Ramsjah! Ai e donte këtë sport që në fëmijëri dhe ai vdiq duke ushtruar profesionin që e donte shumë. Por ai na la pasionin dhe mesazhin e tij për të ardhmen”, shkruan në faqen e klubit.
