Spanja ka humbur një lojtar shumë të rëndësishëm në prag të sfidave që ajo ka në kuadër të ndeshjeve të qershorit në Nations League. Bëhet fjalë për mesfushorin e Liverpool, Thiago Alcantara që ka lënë grumbullimin me kombëtaren.
Ai ka pësuar një dëmtim muskulor që e ka detyruar atë të humbasë të gjitha ndeshjet me kombëtaren e tij në këtë ndalesë. Nga ana tjetër, trajneri Luis Enrique ka vendosur të mos grumbullojë një tjetër lojtar për ta zëvendësuar.
Spanja do të zhvillojë në këtë ndalesë 4 ndeshje, ku më e rëndësishmja konsiderohet ajo me Portugalinë ditën e nesërme. Ajo do të ndeshet gjithashtu edhe me Republikën e Çekisë dhe Zvicrën përpara se ta mbyllë këtë ndalesë kombëtaresh me një tjetër ndeshje me Republikën Çeke. /oversport.tv
Foto: Selección Española de Fútbol, Twitter
