VARSHAVË, 13 nëntor /ATSH-DPA/ – Katër javë pas humbjes së zgjedhjeve parlamentare, qeveria nacionaliste e krahut të djathtë të Polonisë e udhëhequr nga kryeministri aktual Mateusz Morawiecki, dha sot dorëheqjen.
Vendimi, i cili erdhi gjatë seancës së parë të parlamentit të ri polak, është hapi i parë drejt një ndryshimi në qeveri pas tetë vitesh qeverisje nga partia Ligj dhe Drejtësi (PiS) e Morawiecki.
Në zgjedhjet e 15 tetorit, aleanca e tri partive opozitare të udhëhequra nga ish-presidenti i Këshillit Evropian, Donald Tusk fitoi shumicën e vendeve në Sejm, Dhoma e Ulët e parlamentit.
Koalicioni Qytetar liberal (KO) i Tusk, së bashku me partitë konservatore Rruga e Tretë dhe e Majtë, mbajnë 248 nga 460 vendet.
Tre partitë, që favorizojnë politikat pro-evropiane, kanë nënshkruar tashmë një marrëveshje koalicioni.
Edhe pse PiS mbeti partia më e madhe e vetme në parlament pas zgjedhjeve me 194 vende, ajo nuk kishte një shumicë absolute dhe nuk ka asnjë partner koalicioni.
Ndryshimi i ardhshëm i qeverisë në Varshavë do të sjellë një ndryshim edhe në politikën e jashtme polake.//a.i/
