Akti heroik i një polici zviceran i ka shpëtuar jetën një foshnjeje gjatë një zjarri të së hënës rreth orës 19:00. Tragjedia u shmang për pak nga zjarri që ra të hënën rreth orës 19:00 në Noville të Zvicrës. E bllokuar në ballkonin e banesës së saj në flakë, një qiramarrëse u hodh në të sigurt, ndërsa nipi i saj një vjeç e gjysmë ishte në kuzhinë. Ndonëse e plagosur, ajo tentoi të hynte sërish në banesë për të shpëtuar fëmijën. Por kinezja gjashtëdhjetvjeçare nuk arriti të hapte derën e përparme. Të ardhur me shpejtësi ta madhe në vendngjarje, policët nuk kanë mundur të hyjnë në banesë për shkak të tymit.
Pikërisht në këtë kontekst të vdekjes së afërt të një fëmije, një oficer policie u ngjit në hendek për të hyrë në ballkon, ku i kishte paraprirë një qiramarrëse që po përpiqej të shpëtonte foshnjën. “Polici theu xhamin e dritares dhe hyri në apartamentin me tym për të nxjerrë fëmijën”, kanë deklaruar të martën nga policia e Vaudit, transmeton portali Shtegu.
Gruaja dhe nipi i saj u dërguan në spitalin Riviera Chablais në Rennaz. Jetët e tyre nuk janë në rrezik. Në vendngjarje kanë ndërhyrë 15 zjarrfikëse me tre automjete. Ata kanë arritur të vënë nën kontroll zjarrin rreth orës 20:00. Prganet kompetente kanë hapur një hetim.
