“Më pëlqen të mendoj dhe të them që ishte zemra ime ajo që zgjodhi, ishte momenti i duhur për tu kthyer këtu”. Kështu komenton rikthimin te Juventusi në një intervistë për “GQ Italia” Paul Pogba.
Mesfushori francez ka folur edhe për vitet e fundit në Mançester: “Tre sezonet e fundit, të kushtëzuara edhe nga dëmtimet, nuk shkuan ashtu siç doja dhe kjo nuk është një mister. Mendova që ky ishte momenti i duhur për tu bashkuar me Juventusin dhe të rimarrim vendin që na takon dhe të kthehemi të fitojmë”.
“Herën e parë që erdha në Torino isha më i ri. Tani jam rritur si brenda edhe jashtë fushës. Kur isha te Juventusi kisha lojtarë ekspertë pranë meje, tani shoh veten dhe mendoj që jam bërë si këta lojtarë: Pirlo, Buffon, Chiellini. Tani më takon mua të bëj atë që kanë bërë ata”, ka thënë mes të tjerash Pogba, që vazhdon rehabilitimin pas operacionit në gju. / Oversport.tv
Foto: JuventusFC Twitter
