Përse italianët bëjnë tifo për Argjentinën në finalen e nesërme të Kupës së Botës? Efekti Messi, dashuria për Maradonën dhe prezenca e madhe e futbollistëve argjentinas në kampionatin italian mund të jenë disa nga arsyet kryesore që tifozët italianë mbështesin Argjentinën në këtë Botëror ku mungoi Italia.
Sipas shumë sondazheve 22.4% e italianëve mbështesin skuadrën e Messit dhe shpresojnë që Argjentina të fitojë Kupën e Botës, Katar 2022.
Por një nga arsyet kryesore pse italianët mbështesin Argjentinën është fakti që më shumë se gjysma e popullsisë argjentinase ka origjinë italiane.
Pa harruar edhe efektin Messi: stërgjyshi nga babai i yllit argjentinas është italian, gruaja e tij Antonella është me origjinë nga Kalabria, ndërsa djali i tretë quhet Ciro. / Oversport.tv
Foto: FIFA World Cup Twitter