Autoritetet e Emirateve të Bashkuara Arabe arrestuan shtetasin amerikan Asim Ghafoor, ish-avokatin e gazetarit të vrarë saudit Jamal Khashoggi, njoftoi organizata amerikane për mbrojtjen e të drejtave të njeriut “Demokracia për botën arabe Tani”.
Ghafoor është anëtar bordi i organizatës Zora.
Në njoftimin e organizatës thuhet se Ghafoor ishte nisur për në Stamboll për të marrë pjesë në një dasmë familjare, raporton CNN.
Një zyrtar pa emër i Emirateve konfirmoi se Ghafoor u arrestua më 14 korrik në Aeroportin Ndërkombëtar të Dubait dhe u gjykua në mungesë për pastrim parash.
Gazetari saudit Khashoggi u vra nga agjentë të shërbimeve sekrete saudite në vitin 2018 në konsullatën e atij vendi në Stamboll.
Inteligjenca amerikane thotë se vdekja e tij u autorizua nga princi saudit Mohammad Bin Salman, i cili i mohon akuzat.
Zyrtari i Emirateve theksoi se Abu Dhabi ka miratuar kërkesën e Ambasadës Amerikane për një vizitë konsullore te Ghafoor, i cili, siç ka thënë, ka të drejtë të kërkojë një gjykim të ri, pasi procesi ndaj tij është zhvilluar në mungesë. /tesheshi.com/
