Gjatë spektaklit të së martës, ‘Big Brother VIP Albania’, pas njoftimit të Arbanës se nuk do të kishte eliminime për shkak të skualifikimit të Kejvinës nga Vëllai i Madh, një nga konkurrentet e nominuara, Efi, shprehu dëshirën për të dalë nga shtëpia më e famshme në Shqipëri.
Mirëpo, moderatorja e kaloi këtë pjesë pa shumë bujë, duke mos u marrë me dëshirën e Efit. Por, mesa duket, ish-konkurrentja e Përputhen nuk paska qenë e vetmja që paska shprehur dëshirën për të dalë nga shtëpia, pasi edhe Tea dëshiron një gjë të tillë.
Pas ‘Prime-t’ të së martës, ajo ka kërkuar që të largohet nga shtëpia. E këtë e ka zbuluar vetë Tea në një bisedë të bërë me gazetarin Ronaldo Sharka e Efin. Gazetari e ka pyetur nëse ajo e kishte seriozisht për të dalë, ndërsa përgjigjja e saj ka qenë një ‘po’ e prerë.
Kujtojmë që Tea është një nga banoret e përfshira në debate shumë të forta me Luizin, teksa së fundmi ata kanë pasur një diskutim me tone të larta rreth buxhetit të javës, ku Tea e përfshiu këngëtarin pa dijeninë e tij, pasi ai kishte kërkuar të kundërtën.
