Qarkullonin zëra gjatë ditëve të fundit, por tashmë gjithçka është zyrtare. Stephen Pagliuca, që vetëm disa javë më parë bleu 55% të aksioneve të Atalantës, ka shfaqur zyrtarisht interesin e tij për të blerë klubin e Chelsea, që ka dalë në shitje pas sanksioneve që qeveria britanike i vendosi ish-pronarit rus, Roman Abramovich.
Kandidatura e tij për klubin londinez do të prezantohet para afatit të fundit që është dita e enjte. Nëse operacioni do të mbyllet me sukses, atëherë Pagliuca do të ishte i detyruar të shiste ose zvogëlonte aksionet e tij tek Atalanta.
Rregullat e UEFA-s thonë qartë që dy ose më shumë klube që marrin pjesë në një kompeticion të UEFA-s nuk mund të kontrollohen direkt ose indirekt nga i njëjti ent apo person. / Oversport.tv
Foto: Chelsea Football Club Facebook
