Në kuadër të derbit të Italisë, fokusi duhet të jetë vetëm në fushë. Më pas rikuperimi i energjisë nervore dhe fizike falë dy ditëve pushim që iu dha grupit pas fitores së së dielës në Firence. Asnjë përgjigje ndaj batutave të Alegrit për të shmangur çdolloj shpërqendrimi.
Dhe mbi të gjitha, është e ndaluar të konsiderohet një ndeshje kundër bardhezinjve si një lloj ndeshjeje për titullin, sepse ky mendim do të ushtronte presion të mëtejshëm mbi grupin. Simone Inzagi filloi përgatitjet për ndeshjen e madhe të së dielës në “San Siro” duke u kujdesur për detajet… jashtë fushës.
PUSHIM FIZIK – Stërvitjet do të rifillojnë sot dhe zikaltrit po i shfrytëzojnë këto 48 orë me Pinetinën e mbyllur për t’u çlodhur. Nga sot në mëngjes ata do të kenë muskuj më pak të rëndë dhe koka më të lira për t’u përqendruar në udhëzimet taktike kundër Juventusit. Pas presionit të grumbulluar si në ditët e Superkupës në Arabi ashtu edhe para udhëtimit në Firence (falë barazimeve mes Juves dhe Milanit), grupi duhej të qetësohej mendërisht dhe Inzagi e pati kuptuar këtë nevojë.
Për sa i përket motivimit që duhet të përcjellë, praktikisht nuk ka punë për të bërë në funksion të derbit të Italisë, një sfidë që gjithmonë i ka motivuar vetë lojtarët. Dhe edhe në planin fizik nuk është e nevojshme të shtyhet shumë, sepse të dhënat tregojnë se skuadra është në formë dhe nuk duhet të përmirësojë asgjë, por vetëm ta “ruajë” gjendjen. Prandaj seancat në “Appiano” do të jenë kryesisht të natyrës taktike dhe tri ditë plus udhëtimi të dielën konsiderohen të mjaftueshme për të mbërritur gati për takimin me “zonjën”.
PA POLEMIKA DHE ME LAUTARON – Pas suksesit në Firence, megjithatë, Inzagi foli edhe për batutat me Juventusin që vazhdojnë prej javësh. Sidomos replikat apo goditjet e Alegrit (“Interi është favorit i qartë”, përsëriti ai të shtunën).
Thumbat e Alegrit dhe polemikat? Nuk më shqetësojnë dhe nuk mendoj se ka pasur ndonjë vrazhdësi”, tha tekniku zikaltër. Simone nuk ka përparësi në zhvendosjen e vëmendjes jashtë fushës, në shpërqendrimin e lojtarëve dhe mjedisit me fraza që lidhen me arbitrimin, episodet e dyshimta apo rivalitetin historik mes klubeve. Ai është i bindur se grupi i tij është i fortë dhe se nëse mbeten të fokusuar vetëm në ndeshje, do të performojnë më mirë.
PANORAMASPORT.AL
