Të paktën shtatë njerëz kanë vdekur dhe dhjetra të tjerë kanë mbetur të bllokuar kur një ortek masiv goditi autobusin e tyre në Indi.
Një operacion masiv kërkim-shpëtimi është në vijim pasi autobusi i mbushur me turistë u rrëzua në humnerë nga orteku i papritur.
Një fëmijë besohet se është mes viktimave së bashku me katër burra e dy gra, ndërsa rreth 150 njerëz besohen ende të bllokuar, shkruan rrjeti vendas India Today.
Ushtria indiane tha e orteku goditi në zonën Nathu La, që është një destiancion i njohur turistik mes Sikkim dhe rajonit kinez të Tibet.
Dhjetra turistë besohet e janë bllokuar nga vërshimi i dëborës dhe gurëve që goditën të paktën gjashtë automjete.
Sipas raportimeve disa turma njerëzish po merrnin foto pranë një burimi kur goditi tragjedia.
Të paktën 30 turistë të bllokuar u nxorrën nga grupet e shpëtimit dhe u dërguan në spital, ndërsa dhjeta automjete kanë mbetur në rrugë pas bllokimeve nga dëbora e ortekut, shkruan rrjeti Times of India.
Në pamjet e publikuara shiheshin disa trupa njerëzish në rrëzën e malit, teksa rezidentët ndihmonin grupet e shpëtimit.
Zyrtari i policisë Tenzing Loden Lepcha tha: “Ne nuk kemi saktësuar ende sa njerëz janë të bllokuar, nga rreth 20 të shpëtuar tetë ishin në gjendje të rëndë dhe u dërguan në spital”.
Ushtria indiane po ndihmon me operacionet e shpëtimit.
Mijëra turistë shkojnë çdo vit në zonën piktoreske të Sikkim e njohur gjithashtu si “Toka e shkëlqimit mistik”.
Zona gjendet postë malit Khangchendzonga, i njohur gjithashtu si Kanchenjunga, maja e tretë më e lartë në botë e kompleksit të Himalajeve.
Top Channel