Ka lojtarët më të mirë në botë, por sërish PSG vazhdon që të zhgënjejë në Europë. Pas eliminimit të radhës para kohe nga Champions League, drejtuesit e klubit parisien kanë menduar që problemi nuk është i natyrës teknike apo taktike, por është çështje mendësie.
Sipas asaj që shkruan “L’Equipe”, për herë të parë në historinë e klubit kanë vendosur që të punësojnë një “trajner mendimi”, duke nisur që nga sezoni i ardhshëm.
Aktualisht në klub nuk ekziston një figurë e tillë dhe Al-Khelaifi synon ta integrojë sa më shpejt, që të evitojë një tjetër fiasko në arenën kontinentale. / Oversport.tv
Foto: Paris Saint-Germain Twitter
