Tragjedia u zbulua pasditen e së mërkurës. Në këtë fazë të hetimit duket se preferohet teza aksidentale.
Shumë policë dhe punonjës të shpëtimit, të mërkurën pasdite ndërhynë në një apartament në rrethin e stacionit të trenit, në Delémont (JU) të Zvicrës, ku u gjetën dy trupa të pajetë. Viktimat janë një nënë dhe fëmija i saj. Ekipi i Kujdesit ndërhyri për të ofruar mbështetje psikologjike për familjen, informon portali Shtegu.
Shkaqet e vdekjes ende nuk janë përcaktuar por sipas gjetjeve fillestare duket se preferohet teza aksidentale. Megjithatë, do të duhet të priten rezultatet e ekspertizës mjeko-ligjore për ta konfirmuar këtë. Ministria Publike ka hapur një hetim.
