Një vajzë 16-vjeçare nga fshati Siriçin e Tetovës, e cila ishte e shtruar në Klinikën Infektive në Shkup, ka humbur betejën me virusin.
Ministria e Shëndetësisë informoi se pacientja me pasqyrë shumë të rëndë klinike me autoambulancë është dërguar nga spitali I Tetovës në Klinikën Infektive në Shkup.
“Në spitalin e Tetovës ka qëndruar nga 21.10 deri në 23.10 dhe paraprakisht është trajtuar në shtëpi për shkak të ankesave që datojnë 9 ditë nga pranimi fillestar në Spitalin e Tetovës. Sipas raportit mjekësor, ky është një rast jashtëzakonisht i rëndë, i varur nga oksigjeni me pneumoni të rëndë Covid”, thuhet në komunikatën e Ministrisë së Shëndetësisë ku sqarohet se dje pacientja ka pas një përkeqësim dramatik të parametrave jetikë. 16 vjeçarja nuk ka qenë e vaksinuar.
