Edhe pse gjatë 2021, turizmi kaloi një vit më të mirë se gjatë pandemisë, sektori sërish nuk është rimëkëmbur nga pasojat e saj, ku sipas kryetarit të Shoqatës së Tour Operatorëve, Kliton Gërxhani këtë vit kanë punuar vetëm hotelet dhe plazhet në muajt e verës, ndërsa turizmi kulturor vuajti:
Rreth 5.5 milionë turistë erdhën në vend gjatë 2021-it, me gjysmën prej tyre nga Kosova dhe trojet e tjera shqiptare.
Edhe pse fluksi ishte i lartë, në total turistët kanë sjellë më pak të ardhura në vend.
Turizmi sipas z.Gërxhani ka ende nevojë për mbështetje, ndërsa për 2022-in vendi duhet të mbetet në zonën e gjelbër sipas tij.
