Nga Lyse Doucet, BBC
Afrimi i kësaj kolone të madhe të armaturës ruse i ka dhënë një kuptim të ri dhe krejtësisht të tmerrshëm shprehjes që bota po shikon.
Të gjithë anembanë botës mund të shohin që kjo autokolonë është në rrugë e sipër, madje ka raportime se po përforcohet para se të arrijë në qytet.
Përforcues të kësaj frike janë raportet që vijnë nga pjesë të tjera të Ukrainës, se Rusia po rrethon zonat e populluara duke përdorur “taktika mesjetare”, rrethim i zonat të banuara dhe u mohon njerëzve ushqimin, ujin dhe furnizimet thelbësore.
Kur filloi ky pushtim, pritej që do të ishte vetëm çështje ditësh, madje edhe disa orë para se ushtria e fuqishme ruse të futej në Kiev.
Tashmë janë gjashtë ditë dhe Ukraina është ende në këmbë – duke qëndruar në këmbë për shkak të rezistencës së bërë nga ushtria ukrainase, duke përdorur armë dhe municione perëndimore, por edhe e mbrojtur nga qytetarët që po marrin armët, po regjistrohen për forcat e mbrojtjes së lagjes dhe shkojnë në vijat e para.
Por nuk mund të mohohet se kjo autokolonë, edhe nëse është duke lëvizur avash, po afrohet gjithnjë e më shumë dhe shpërthimet po afrohen gjithnjë e më shumë.
Dikur ishin kryesisht buzë qytetit, mbrëmë ishte aq afër saqë u drodh edhe ndërtesa jonë.
Rruga Press
