Do të luhen sot ndeshjet e kthimit të fazës së 1/8-ve të finales së Europa League, që do të përcaktojnë emrat e tetë skuadrave çerekfinaliste të këtij turneu.
Shumë emra të mëdhenj të kontinentit do të zbresin në fushë në kërkim të kualifikimit në turin tjetër të këtij turneu.
Pas fitores në ndeshjen e parë Atalanta kërkon një tjetër rezultat pozitiv në Gjermani përballë Leverkusenit që të kualifikohet në çerekfinale. Barcelona kërkon fitoren në “Camp Nou” përballë turqve të Galatasaray pas barazimit pa gola në ndeshjen e vajtjes në Stamboll.
Spektakël premtojnë edhe përballjet Lyon-Porto dhe West Ham-Sevilla, ndërsa Crvena Zvezda dhe Monaco do të mundohen të përmbysin rezultatet e ndeshjeve të vajtjes.
A big week of football lies ahead! 🤩
✅ Round of 16 second legs
🗓️ Quarter-final draw on Friday #UELdraw | #UEL pic.twitter.com/5iLvv4S2oF— UEFA Europa League (@EuropaLeague) March 14, 2022
Edhe skuadrat që luajnë në Conference League do të luajnë sot ndeshjen e kthimit të 1/8-ve të finales. Pas fitores në Holandë, Roma kërkon një tjetër sukses përballë Vitesse, që të kualifikohet në çerekfinale.
Feyenoord, Slavia Praha dhe Leicester kanë hedhur një hap drejt kualifikimit pas fitoreve të arritura në ndeshjet e vajtjes, ndërsa në sfidat e tjera kualifikimi është i hapur. / Oversport.tv
Foto: FC Barcelona Twitter