Vuajti shumë, por më në fund Christian Eriksen është gati për tu rikthyer në futbollin që vlen. Sipas asaj që shkruan “The Athletic UK”, mesfushori danez ka pranuar propozimin e Manchester United për tu bashkuar me “djajtë e kuq”.
Kontrata e re do ta lidhë Eriksen me klubin anglez deri në vitin 2025. Lojtari do të zbarkojë në “Old Trafford” në ditët e ardhshme, shkruajnë mediat britanike. Klubi ka bërë gati kontratën dhe në ditët e ardhshme mesfushori do të kryejë vizitat mjekësore.
Pas arrestit kardiak që pësoi në Euro 2020, Eriksen luan me defibrilator. Diçka e tillë nuk lejohet në Itali, prandaj mesfushori u largua nga Interi për tu bashkuar me Brentford, ku spikati me paraqitjet e tij, ndonëse kishte 7 muaj që nuk zbriste në fushën e blertë. / Oversport.tv
Foto: Brentford FC Twitter