Monarku i fundit grek Kostandinos Glisburg, ka ndërruar jetë të martën në mbrëmje në Athinë.
Ai mbretëroi në Greqi nga viti 1964 deri në vitin 1974, vit ku e largoi nga froni një referendum, në të cilin 69% e grekëve i thanë jo monarkisë.
Gliksburg pranoi rezultatin e referendumit dhe u largua nga vendi deri në vitin 1992, vit në të cilin qeveria e Kostandinos Mitsotakis (babai i kryeministrit aktual Qyriakos Mitsotakis), iu ktheu disa prej pronave por jo titujt.
Tentativa e tij për tu përfshirë nën skenën politike greke indirekt dhe nëpërmjet metodave komplotiste, detyroi kryeministrin Andrea Papandreu ti heqë shtetësinë greke dhe gjithë pronat që i ishin dhënë prej Mitsotakis.
Në vitin 2000 gjykata europiane e të drejtave të njeriut i dha të drejtë e konvertimit të një pjese të pronave dhe dënoi Greqinë duke e detyruar ti paguajë gati 14 milionë euro si dhe ti kthejë pensionin e mohuar si ish krehu i shtetit grek.
Ish-mbreti Kostandinos njihej si një njeri i profilit të ulët dhe jo konfliktual. Ai u gjend në disa raste në qendër të përplasjes mes politikës dhe gjeneralëve të juntës ushtarake greke,çka e ktheu në një figurë aspak të pëlqyer për gjithë fashën e politikes, por edhe prej vetë popullit grek.
Ai pati një rol aktiv në marrjen e olimpiadës të vitit 2004 prej Greqisë, ndërsa më herët ka marrë disa medalje olimpike në gara sportive në të cilat përfaqësonte Greqinë.
Mbreti Kostandinos ishte nip i mbretëreshës Elisabet dhe kushëri i mbretit aktual të Anglisë Karolos. Ai është vëllai i ish-mbretëreshës së Spanjës Sofia dhe nip i mbretëreshës së Danimarkës.
Ende nuk ka detaje të ceremonisë mortore, por mësohet se ish-mbreti Kostandin ose mbreti pa mbretëri siç quhej në sallonet europiane, kishte shprehur dëshirën të varroset pranë prindërve të tij në varret mbretërore të Tatoit.
Top Channel
