Sulmi rus në Ukrainë ka detyruar shumë banorë të vendit të largohen nga qytetet ku luftohet, duke kërkuar siguri për jetët e tyre.
Shumë figura të njohur të sportit kanë treguar gatishmërinë e tyre për të strehuar familjet ukrainase, ndërsa Keylor Navas është njëri nga futbollistët e njohur që ka bërë një gjest të veçantë, teksa ka strehuar në shtëpinë e tij 30 refugjatë ukrainas.
Portieri i PSG-së ka vendosur shtëpinë e tij në dispozicion për të mirëpritur refugjatët ukrainas. Sipas “Marca” raportohet se 35-vjeçari nga Kosta Rika ka blerë 30 shtretër për të strehuar 30 ukrainas.
Këta njerëz u sollën në Spanjë nga shoqata vullnetare Gracia e Barcelonës, e cila shkoi në kufi, në Krakovia, për të sjellë ushqim dhe për të transportuar qytetarët ukrainas që iknin nga ato zona lufte.
Navas ka akomoduar 30 persona në shtëpinë e tij. Ndërkohë, gruaja e tij është vënë në dispozicion të tyre për të përgatitur ushqime dhe rroba, dhe të gjitha gjërat elementare të nevojshme. / Oversport.tv
Foto: PSG – Paris Saint-Germain Facebook
