Pas vetëvrasjes me Empolin, te Napoli ka zbritur në fushë presidenti Aurelio De Laurentiis. Përpara se skuadra të niste stërvitje, në cepin e fushës stërvitore është shfaqur numri një i klubit napolitan dhe menjëherë është takuar me trajnerin Spalletti.
Më pas, një fjalim për të shkundur ekipin dhe për t’i dhënë motivimin e duhur në këtë sprint sezonal, për të garantuar qëndrimin në zonën Champions, ku Roma e vendit të pestë kërcënon me 7 pikë më pak sesa Napoli i vendit të tretë.
“Ishim si një tren deri pak javësh më parë. Po tani çfarë po na ndodh?”, shkruan e përditshmja Il Matino rreth fjalimit të De Laurentiis. Presidenti ka ndjekur të gjithë stërvitjen dhe më pas i gjithë grupi i bashkuar ka qëndruar në grumbullim, për të qëndruar të gjithë bashkë dhe për të darkuar me të gjithë drejtuesit.
Il Matino vijon dhe tregon se takimi i presidentit me trajnerin Sarri ka qenë i gjatë dhe me tone shumë të qeta, ndryshe nga diskutimet me tone të larta në tren pas disfatës me Empolin.
Takim, në të cilin trajneri ka marrë edhe bekimin e numrit një të napolitanëve për të vijuar kontratën edhe për sezonin e ardhshëm. Mirëpo, shtrëngimi i vetëm aktual te Napoli, është sigurimi i zonës Champions.
Si shenjë e vazhdimësisë së këtij projekti, presidenti ka dhënë sinjalet se Dries Mertens pritet do të rinovojë kontratën e cila i skadon në qershor. Ditët e fundit, është parë edhe presidenti i napolitanëve që të takojë në shtëpi, futbollistin belg, pikërisht për të negociuar rinovimin. /oversport.tv