Mungon vetëm marrëveshja finale midis Monzës dhe Andrea Petagnas për të zhbllokuar merkaton në sulmin e Napolit. Në rast se gjithçka shkon sipas planit, atëherë klubi napoletan do të bëjë përpjekjen e fundit për të mbyllur negociatat me Giovanni Simeone.
Sipas asaj që raportojnë mediat italiane, palët kanë arritur marrëveshjen mes tyre, por Aurelio De Laurentiis po pret fillimisht largimin e Petagnas për të dhënë dritën jeshile.
Gjithashtu, një temë tjetër e nxehtë te Napoli është edhe Raspadori. Talenti i Sassuolos po kërkohet me ngulm nga Spalletti, por klubet ende nuk kanë arritur një marrëveshje edhe pse janë pranë.
Drejtuesit e Napolit janë gjithashtu në diskutime me Chelsean për të afruar Kepan në portë, ndërsa në rast se largohet Zielinski, alternativa e tij është Giovanni Lo Celso. /oversport.tv