Juventusi do të përballet me Bolognan këtë javë në Serie A, ndërsa për këtë sfidë Allegri do të ketë në dispozicion edhe Alvaro Moratën. Skualifikimi i tij për shkak kartonësh përfundoi në ndeshjen ndaj Cagliarit dhe të shtunën do të veshë sërish një fanellë titullari.
E pikërisht, për këtë fanellë nisi edhe intervista e tij me DAZN, i cili tha se dëshiron që të mbajë pas shpine numrin 9 edhe për vitin tjetër. “Ndihem mirë te Juventusin, por gjërat e tjera nuk varen nga unë. Megjithatë, unë jam shumë i lumtur këtu, të vijë ditë për ditë në Continassa. Fëmijët e mi më kërkojnë të luaj himnin e Juves vazhdimisht”.
E ARDHMJA- “Të gjithë lojtarët e Juventusit luajnë të ardhmen e tyre në çdo stërvitje dhe në çdo ndeshje. Ka një listë të gjatë të lojtarëve që kërkojnë të vijnë te Juventusi dhe është normale që të ndihesh i gjykuar dhe të ndjesh presionin kur luan me këtë fanellë. Unë kam thënë gjithmonë se do të jap gjithçka për të fituar, për skuadrën, për shokët e ekipit dhe për tifozët”.
OBJEKTIVAT– “Duam të luajmë finalen e Kupës së Italisë. Në fund kur ndalon së luajturi dhe shkon në dhomën e kujtimeve, fotot me kupat kanë një vlerë më të madhe. Kemi mundësinë ta fitojmë, në fund Kupa e Italisë dhe Superkupa merren me lehtësi se mund të fitohen, por është shumë e vështirë. Shumë kampionë nuk i kanë fituar kurrë”.
EKIPI- “Ka pasur një rritje të rëndësishme për sa i përket ekipit. Kemi treguar se kemi bërë një hap para si skuadër dhe si grup. Jemi rikthyer për të qenë Juventusi dhe unë do të isha edhe më i lumtur nëse në fundin e vitit do të sillnim në shtëpi një kupë”.
FINALJA ME BARCELONËN- “Kam pasur gjithmonë mendimin se nëse do të ishte VAR, ndoshta do të kishte një penallti për ne dhe do të kishim fituar Championsin me Juventusin. Do të ishte diçka e pabesueshme, por tashmë është kështu si është”. /oversport.tv