Tiemoue Bakayoko është përballur me një situatë të vështirë pasi policia e ka ngatërruar me një tjetër person.
Mesfushori i Milanit, ekip me të cilin fitoi titullin kampion në sezonin e fundit, është arrestuar nga policia italiane.
Mesfushori ka parë t’i drejtohen armët në fytyrë, teksa pamjet janë bërë virale në rrjetet sociale. Momente paniku për 27-vjeçarin me origjinë nga Bregu i Fildishtë, që për fat nuk kanë zgjatur shumë.
Bakayoko i është nënshtruar një kontrolli të imtësishëm, ndërkohë që një polic tjetër vjen dhe u thotë kolegëve: “Ky nuk është i dyshuari, ky është lojtar i Milanit”.
Në video dallohet habia e madhe e efektivit që po e kontrollonte. Ai shokohet, e sheh edhe njëherë dhe e liron lojtarin e Stefano Piolit, sigurisht duke i kërkuar ndjesë për ngatërresën.
Top Channel
