Torino ka mposhtur 1-0 Leccen në ndeshjen që mbylli javën e pestë të kampionatit italian të futbollit.
“Demat” marrin një fitore të merituar dhe ngjiten në zonën e lartë të renditjes në kuotën e 10 pikëve. Një gol i Vlasic në fund të pjesës së parë ka vulosur fatin e sfidës që u transmetua live në Oversport.
Torino dominon dhe i afrohet golit me Pellegrin dhe Radonjic, ndërsa Lecce përgjigjet me Banda. Goli i Vlasic zhbllokon sfidën dhe vendasit mbyllin 45 minutat e para në avantazh.
Pellegri shënon sërish për vendasit në pjesën e dytë, por goli anulohet për pozicion jashtë loje. Vojvoda i afrohet golit, por Falcone i mohon festën lojtarit kosovar. /Oversport.tv
