Ministrja e Jashtme, Olta Xhaçka, në takimin e Këshillit të Sigurimit “Paqja dhe Siguria e Ukrainës”, dënoi agresionin rus, duke e bërë presidentin e Rusisë, Vladimir Putin, përgjegjës për jetët e humbura në Ukrainë dhe luftën e urisë në mbarë botën.
“Veprimet e Rusisë janë një shkelje flagrante e Kartës së Kombeve të Bashkuara. Rusia ka zgjedhur ta injorojë hapur vazhdimisht vendimin e Gjykatës Ndërkombëtare të Drejtësisë. Ne si komunitet ndërkombëtar duhet të vazhdojmë të ndihmojmë në mbrojtjen e Ukrainës”, tha ministrja e Jashtme e vendit tonë.
