Arkadiusz Milik është zyrtarisht futbollist i Juventusit. Sulmuesi polak zbarkoi pasditen e djeshme në Torino për të kryer vizitat mjekësore dhe firmosur kontratën me bardhezinjtë, të cilët vetëm mëngjesin e sotëm njoftuan zyrtarisht marrëveshjen.
Futbollisti 28-vjeçar vjen nga francezët e Marseille në huazim për një sezon, kundrejt një milionë eurove, ndërsa Juventus ka ruajtur të drejtën e blerjes plotësisht të kartonit të tij, për një shifër prej 7 milionë eurosh.
Arkadiusz Milik rikthehet në Serinë A pas vetëm një sezoni, pasi verën e kaluar u largua nga Napoli me destinacion Marseille, ndërsa tani do të duhet të bëjë zëvendësuesin e serbit Dusan Vlahovic.
Pas Milik, pritet që drejtuesit e Juventusit të hidhen në sul për të sjellë në Torino argjentinasin Leandro Paredes, nga PSG-ja. Edhe ky i fundit pritet të vijë me formulën e huazimit me të drejtë blerjeje për shifrën e 15 milionë eurove, teksa pikërisht mesfushori argjentinas mund të mbyllë merkaton e bardhezinjve.
Top Channel
