Boksieri legjendar amerikan, Mike Tyson tërhoqi së fundmi vëmendjen e publikut, pasi po shfaqte “Shqiponjën shqiptare” pranë kamerave televizive pranë ringut.
Tyson ishte mysafir në Uzbekistan, në ndeshjen mes boksierit shqiptar, Ermaj Hadribaj dhe Carlos Molina, dhe padyshim që ishte gëzuar për fitoren e djalit që e quajnë “snajperi shqiptar”, përcjell lajmi.net.
Hadribeaj dikur ishte një luftëtar i MMA dhe hyri në boks në vitin 2019. Ai aktualisht ka një rekord prej 16 fitoresh dhe një barazimi dhe duket qartë se gëzon simpatinë e Tyson.
Nuk është hera e parë që ish-legjendari Tyson bën shqiponjën shqiptare me duar.
Ai edhe në pamje të tjera të vjetra është parë duke bërë veprimin e njëjtë./Lajmi.net/
