Middlesbrough ka befasuar skuadrën e Tottenham me rezultatin 1-0 dhe është kualifikuar në çerekfinalet e FA Cup, pasi turin e shkuar me penallti kishte bërë të njëjtën gjë edhe me Manchester United.
90 minutat e kohës së rregullt u mbyllën në barazim pa gola dhe skuadra që kualifikohej duhet të vendosej nga shtesat. 15 minutat e para nuk sollën asnjë gol.
Middlesbrough befasoi në shtesën e dytë, duke e ndëshkuar skuadrën e Tottenham në minutën e 107-të me anë të Coburn. Ky gol kishte vlerën e kualifikimit.
Pas Manchester City, skuadra tjetër që kaloi në çerekfinalet e FA Cup është Crystal Palace, që ka mposhtur me rezultatin 2-1 skuadrën e Stoke City.
Kouyate shënoi golin e parë, por miqtë për pesë minuta barazuan me Tymon. Golin e fitores dhe të kualifikimit e realizoi Riedewald.
