Lionel Messi është gati të emërohet kapiten i Inter Miamit pas vetëm një ndeshje.
Duke folur në një konferencë për shtyp, trajneri Tata Martino konfirmoi se Messi do t’i jepet shiriti i kapitenit në klubin e Major League Soccer.
Ai në ndeshjen e kaluar debutoi me gol nga stoli, pasi realizoi nga goditja e dënimit, duke ia siguruar fitoren Inter Miamit ndaj Cruz Azul në minutën e fundit në Kupën e Ligës.
Kapiteni aktual i Inter Miamit është Gregore, por ai do të jetë jashtë fushës për shkak të një dëmtimi, dhe kështu Messi pritet të marrë drejtimin e skuadrës.
Messi mbante rregullisht shiritin e kapitenit te Barcelona, megjithëse ai kurrë nuk u bë zyrtarisht kapiten në Paris Saint-Germain.
Ai është kapiteni i Argjentinës dhe sigurisht ngriti Kupën e Botës në Katar.
Ai është padyshim lojtari i profilit më të lartë që luan për Inter Miami, kështu që ta bësh kapiten nuk është befasi. /Klankosova.tv.
