Një nga transferimet e janarit në Serie B ishte edhe mesfushori shqiptar Emanuele Ndoj. Ai u transferua nga Brescia tek Cosenza, një lëvizje kjo që nuk është lënë pa komentuar.
Ish-drejtori sportiv i Lecces, Mauro Meluso e konsideroi këtë transferim si një nga më të mirët në merkaton e janarit për Serie B. Melusa dha një intervistë të gjatë për La Gazzetta dello Sport, ku ndër të tjera vlerësoj afrimin e ri të Cosenzas.
“Benevento tashmë kishte një skuader shumë të fortë. Kishte një problem me Lapadulen dhe erdhi Forte, më pas Farias dhe gjithashtu Petriçione. Ndër goditjet e tjera vlerësova ato të Brescia, Torregrossa te Pisa dhe Ndoj te Cosenza.
Nëse Ndoj është mirë fizikisht, ai mund të jetë një forcë shtytëse për Cosenzan”, përfundoi Meluso. /oversport.tv