Manchester United triumfon 3-0 ndaj Crystal Palace dhe kualifikohet në raundin tjetër EFL Cup.
Në “Old Trafford”, skuadra e Ten Hag dominoi ndaj C. Palace, ndërsa vendasit shënuan dy herë në pjesën e parë, fillimisht me Garnacho në minutën e 21-të dhe pas gjashtë minutash dyfishoi Casemiro.
Pas një pjesë të parë të dobët, “Shqiponjat” u zgjuan disi në fraksionin e dytë dhe provuan të reagonin, por ishte e pamundur, ndërsa Manchester United realizoi edhe golin e tretë me Martial në minutën e 55-të.
Në fund 3-0 dhe Manchester United siguron biletën e kualifikimit dhe regjistroi fitoren e dytë radhazi pas asaj të kampionatit ndaj Burnley në fundjavë.
Në krahun tjetër, Crystal Palace eliminohet nga EFL Cup dhe e çon në tre numrin e ndeshjeve pa fitore, duke krijuar kështu një krizë rezultatesh.
Golat:
Në minutën e 21’ Garnacho i asistuar nga Dalot gjen rrugën drejt rrjetës dhe kalon vendasit në avantazh.
Vetëm gjashtë minuta më pas, Casemiro dyfishon avantazhin e ekipit të tij me një goditje me kokë.
Casemiro dhuron asist, Martial shënon golin e tretë për Manchester United në minutën e 55′.
Top Channel
