MADRID, 29 nëntor /ATSH-DPA/ – Inflacioni spanjoll i çmimeve të konsumit ra në 6.8% në vit në nëntor, niveli më i ulët që nga pushtimi rus i Ukrainës në shkurt, raportoi Instituti Kombëtar i Statistikave INE.
Lehtësimi i rritjes së çmimeve në ekonominë e katërt më të madhe të Bashkimit Evropian mund t’i atribuohet kryesisht rënies së çmimeve të energjisë elektrike dhe karburantit, tha INE.
Prodhimi i energjisë elektrike nga energjia e erës në nëntor dhe rënia e çmimeve globale të naftës së papërpunuar ndihmuan në uljen e çmimeve.
Spanja kishte inflacion konsumator prej 6.1% në janar para pushtimit. Inflacioni arriti në nivelin më të lartë prej 10.8% në korrik dhe që atëherë ka qenë në rënie.
