Drejtoresha e Drejtorisë për të Ardhura Publike (DAP) Sanja Llukarevska si spekulime i vlerëson pohimet se do të shfuqizohet projekti TVSH-ja Ime dhe thekson se përmes kësaj mase deri më tani u janë kthyer mbi tre miliardë denarë rreth 350 mijë shfrytëzuesve.
“Mendoj se TVSH-ja Ime është një nga projektet më të suksesshme. Ne kemi punuar për të thellësisht dhe e kemi promovuar hap pas hapi dhe do të vazhdojmë ta përmirësojmë. Së bashku do të përcaktojmë të gjitha projeksionet nëse do të ketë hapësirë për të rritur kufirin e rimbursimit dhe do të informojmë publikun në kohën e duhur. Deri më tani kemi rreth 350 mijë shfrytëzues të masës ime TVSH dhe nga fillimi u kemi kthyer më shumë se tre miliardë denarë shfrytëzuesve të masës, andaj i hedh poshtë të gjitha spekulimet se kjo masë do të shfuqizohet”, tha Lukarevska në përgjigjen e pyetjes së gazetarëve në konferencën e sotme për shtyp në DAP së bashku me ministrin e Financave Fatmir Besimi.
