LISBONË, 24 mars /ATSH-DPA/ – Kryeministri portugez, Antonio Costa prezantoi ekipin e tij të ri qeveritar duke shënuar kabinetin e parë në historinë e vendit me një shumicë ministresh.
Nëntë nga 17 anëtarët e kabinetit janë gra.
Mariana Vieira da Silva mbetet ministre presidenciale dhe gjithashtu merr një rol të ri si zëvendëskryeministre.
Costa ka udhëhequr dy qeveri të pakicës përpara se Partia e tij Socialiste të rrëmbejë një shumicë absolute të vendeve në parlamentin e vendit në zgjedhjet e janarit.
Kjo shënoi herën e dytë që partia arriti një shumicë të tillë që nga kthimi i vendit në demokraci pas Revolucionit të Karafilit në 1974.
Njëmbëdhjetë nga 17 ministrat e emëruar janë të rinj në ekip.
Ndryshimi më i rëndësishëm është ish-kryetari i bashkisë së Lisbonës, Fernando Medina duke u bërë ministër i Financave.
Ish-ministri i Mbrojtjes Joao Gomes Cravinho bëhet ministër i Jashtëm, me Helena Carreiras që merr postin e Mbrojtjes si gruaja e parë në këtë rol.
Jose Luis Carneiro mbetet ministër i Brendshëm.
Costa ka ulur numrin e ministrive nga 19 në 17.
Ministrat do të bëjnë betimin javën e ardhshme. Ende nuk është shpallur një datë e saktë.
Kosta po përballet me sfida të mëdha.
Rivalët e majtë dhe të djathtë të partisë së tij kanë kritikuar taksat e larta, pensionet e ulëta shpesh nën 300 euro, disa paga të ulëta dhe mungesat në rritje të banesave./ a.jor.
