Paul Pogba është dëmtuar në stërvitjen e tij me kombëtaren franceze dhe mund të mungojë në dy sfidat e radhës që Franca do të zhvillojë për kualifikueset e Kupës së Botës. Mesfushori i Manchester United ka pësuar një tërheqje muskulore gjatë grumbullimit, pasi ndjeu dhimbje në këmbën e tij të djathtë.
Mediat kanë publikuar edhe momentin kur Pogba është dëmtuar. Ai ishte duke goditur topin në kuadrat, por gjithçka shkoi keq për të.
Francezi ndjeu menjëherë dhimbje dhe u shoqërua nga mjekët e ekipit për të lënë qendrën stërvitore.
Kështu, Deschamps mund të ketë humbur një lojtar të rëndësishëm për sfidat e ardhshme, transmeton oversport.tv.
Franca do të përballet kundër Kazakistanit dhe Finlandës më datat 13 dhe 16 nëntor.
Një mungesë kjo që nuk shqetëson vetëm trajnerin e Francës, por edhe atë të Manchester United, Ole Gunnar Solskjaer.
