Vedat Muriqi u paraqit sot 70 minuta për Lazion, në ndeshjen ndaj Udinise që u zhvillua në kuadër të Kupës së Italisë, shkruan Insporti.
Muriqi u zëvendësua me Immobile në minutën e 70’të të takimit. Ndërsa nga SofaScore u vlerësua me notën 7.2
Takimi Lazio – Udinese përfundoi me rezultat të barabartë, pa gola 0-0, teksa ekipet kanë shkuar në vazhdime.
Ndryshe, sulmuesi prizrenas sipas të gjitha gjasave do të ndryshojë ambient këtë afat kalimtar. Shumë ekipe nga Premierliga kanë shprehur interesim për shërbimet e Muriqit.
Ndërsa së fundi, drejtori sportiv i Lazios, Igli Tare e mohoi një kalim të mundshëm të Muriqit tek CSKA Moska. /Insporti.com