“Merkato? Në këto momente nuk mund të bëjmë akoma blerje. Po flasim me lojtarët që në interesojnë dhe u kemi thënë që të na presin”, ka thënë presidenti i Barcelonës, Joan Laporta gjatë prezantimit të Franck Kessie.
Numri 1 i klubit blaugrana u është përgjigjur kështu pyetjeve në lidhje me ardhjet e reja në klub, mes të cilëve Rahinha, Bernardo Silva dhe mbi të gjitha Lewandowski.
Laporta ka folur edhe për rinovimin e Ousmane Dembele, të cilit i skadoi kontrata në 30 qershor: “Ousmane nuk është një lojtar i Barcelonës, por i kemi bërë një ofertë. Ai nuk e pranoi propozimin tonë, por do të vazhdojë të flasë. Do të vazhdojmë bisedimet.
Gavi do të vazhdojë te Barça me 100%, ndërsa Frank de Jong nuk do të shitet, nëse nuk do të jetë e domosdoshme”, ka thënë presidenti i Barçës. / Oversport.tv
Foto: FC Barcelona Facebook
