Ekipi anglez është ende në kërkim të një trajneri.
Newcastle nuk e ka nisur aspak mirë edicionin në Premier Ligë, pasi momentalisht ndodhet në pozitën e 19-të me vetëm katër pikë të grumbulluara.
Pas formës së dobët, klubi vendosi të shkarkojë trajnerin Steve Bruce dhe tani kanë nisur kërkimet për të gjetur zëvendësuesin e tij.
Sipas ‘Sport Bild’, Lucien Favre është favorit të marrë drejtimin e Newcastle.
Favre aktualisht është pa ekip që nga dhjetori i vitit 2020 kur u largua nga Borussia Dortmund.
Tekniku zvicran është i hapur të menaxhojë Newcastlen dhe mbetet të shihet nëse do të finalizohet marrëveshja mes dy palëve.
