Këto janë disa nga kushtet e Lidhjes Demokratike të Pavle Trajanovit për vazhdimin e koalicionit me LSDM-në në Qeverinë e ardhshme të Republikës së Maqedonisë së Veriut. Trajanov mes tjerash kërkon reforma në gjyqësor.
-Reformat në sistemin gjyqësor përmes rishikimit të punës së të gjithë gjyqtarëve dhe prokurorëve,
-Miratimi i një ligji për luftë kundër krimit të rëndë dhe korrupsionit të lartë,
-Miratimi i një programi të veçantë për të rinjtë me arsim të lartë përmes punësimit në sektorin publik ose privat, me financim nga Buxheti i RM V-së për të paktën një vit.
-Reforma e legjislacionit zgjedhor përmes ndryshimeve ndërhyrëse në ligjin ekzistues zgjedhor, i cili në vend të gjashtë njësive zgjedhore, të vendoset vetëm një, me model proporcional dhe pa prag zgjedhor (Ndryshimet në Kodin Zgjedhor janë në Procedurë Parlamentare).
-Bisedimet me BE-në dhe Republikën e Bullgarisë duhet të zhvillohen në bazë të një platforme përgatitore dhe Rezolutës tashmë të miratuar nga Kuvendi i RMV-së, e cila përcakton vijat e kuqe në negociata.
-Liria e mediave dhe lufta kundër lajmeve të rrejshme
