Presidenti amerikan Joe Biden iu drejtua kombit nga Shtëpia e Bardhë pas masakrës në një shkollë në Teksas, ku sipas informacioneve të fundit, 19 nxënës dhe dy të rritur u vranë të martën mbrëma, duke pyetur se kur Amerika do të ndalojë “lobin e armëve”.
“Shpresoja se si president nuk do të më duhej t’i drejtohesha vetes kështu. Të shtënat masive në një shkollë fillore në Uvalde janë një tjetër masakër në Shtetet e Bashkuara. Fëmijë të bukur, të pafajshëm, nga klasa e dytë, e tretë, e katërt, u vdiqën shokët, sikur të ishin në fushëbetejë”, tha ai.
“I am sick and tired of it. We have to act,” President Biden says of mass shootings as he calls for gun reform while addressing the nation after Tuesday’s mass shooting at Robb Elementary School in Uvalde, Texas.
18 children and one adult were killed. https://t.co/oENT1Kbv27 pic.twitter.com/zAbM18IdrM
— CNN (@CNN) May 25, 2022
Biden tha se “të humbasësh një fëmijë është si të shkulësh një pjesë të shpirtit”.
Shndërrimi i dhimbjes në veprim
“Kjo është e vërtetë. I kërkoj kombit që të lutet për viktimat. Ju lutem jepuni forcë prindërve dhe vëllezërve të të vrarëve në këtë errësirë që i ka zënë. Si shtet, duhet të pyesim veten… kur do t’i rezistojmë lobit të armëve? Kur do të bëjmë atë që dimë thellë se duhet bërë?”, shtoi Biden.
Duke iu referuar çështjes së ligjit për kontrollin e armëve, ai u kërkoi ligjvënësve që “ta kthenin këtë dhimbje në veprim” ndërsa kujtoi të shtënat masive të vitit 2012 në shkollën fillore Sandy Hook në Newtown, Connecticut, kur ai ishte Zv.President.
“Jam i lodhur nga gjithçka, jam i lodhur. Ne duhet të veprojmë. Mos më thuaj që nuk mund të reagojmë pas kësaj masakre. Pse po e lejojmë të ndodhë kjo?”, tha Biden.
Sulmi në shkollë
Një person i armatosur qëlloi dhe vrau 19 nxënës dhe dy të rritur të martën në një shkollë fillore në Teksasin Jugor.
Guvernatori Gregg Abbott tha se një i dyshuar 18-vjeçar, një nxënës i shkollës së mesme në qytetin e vogël të Uvalde, u vra gjithashtu.
Guvernatori i Teksasit shtoi se në mesin e të plagosurve ishin dy policë që ishin të parët që iu përgjigjën thirrjes, duke thënë se mjekët vlerësojnë se nuk janë në rrezik për jetën.
Të shtënat në vende publike janë pothuajse të përditshme në Shtetet e Bashkuara dhe dhuna e armatosur është në rritje në qytetet e mëdha si Nju Jorku, Çikago, Miami dhe San Francisko, veçanërisht pas pandemisë 2020.
Në mesin e majit, Amerika u trondit nga një sulm racist me armë që vrau 10 afrikano-amerikanë në një market në Buffalo, Nju Jork. /tesheshi.com/
