Ne një kohë që çmimi i miellit është rritur në vend për shkak të luftës Rusi-Ukrainë, kryeministri Edi Rama, ka zbuluar sot se po negociohet me Serbinë, për një sasi gruri të kontraktuar më herët nga kompanitë shqiptare, para se Serbia të bllokonte eksportet për të ruajtur popullin e saj nga kriza.
“Po negociojmë tani me Serbinë për të nxjerrë një pjesë të grurit që është kontraktuar nga kompanitë tona. Besojmë se do ta bëjmë, nëpërmjet Ballkanit të Hapur. Këto janë faktet. Ju gratë e dini që burrat luftojnë me faktet. Duan t’iu dalë e vetja dhe nuk pranojnë faktet”, u shpreh kryeministri Rama.
